घरमा आगलागी हुँदा आमा छोरीको मृत्यु भएको छ ।

सल्यानमा घरमा आगलागी हुँदा आमा छोरीको मृत्यु भएको छ ।

जिल्लाको त्रिवेणी गाउँपालिका–२ धामिढुंगाकी ३२ वर्षीया रेवती थापा र उनकी ९ महिने छोरी ऋतु थापाको घर भित्र सुतिरहेको अवस्थामा आगलागीबाट मृत्यु भएको जिल्ला प्रहरी कार्यालय सल्यानले जनाएको छ ।

उनीहरुको शव जलेको अवस्थामा शनिबार बिहान फेला परेको जिल्ला प्रहरी कार्यालय सल्यानका प्रवक्ता गोपाल श्रेष्ठले जानकारी दिए । आगलागी कसरी भयो भन्ने नखुलेको उनले बताए । घटनाबारे अनुसन्धान भइरहेको उनले बताए ।