मुख्यमन्त्रीमा इन्द्रबहादुर आङ्बो र नेपाली काँग्रेसका केदर कार्कीले दाबी पेश गरेका छन् ।

प्रकाशित मितिः आश्विन २६, २०८०
209 पटक पढिएको
समय अनलाइन

इटहरी /कोशी प्रदेशको मुख्यमन्त्रीमा नेकपा माओवादी केन्द्र संसदीय दलका नेता इन्द्रबहादुर आङ्बो र नेपाली काँग्रेसका केदर कार्कीले दाबी पेश गरेका छन् ।

सत्ता गठबन्धनले आङबोलाई मुख्यमन्त्री बनाउने निर्णय गरे लगत्तै काँग्रेसको शेखर कोइराला पक्षबाट कार्कीले एमालेको समर्थनमा दाबी पेस गरेका हुन् ।

काँग्रेसका ८ र एमालेका ३९ प्रदेशसभा सदस्यको हस्ताक्षरसहित कार्की प्रमुख प्रमुखको कार्यालयमा पुगेका थिए । आङ्बो गठबन्धन दलका सांसदहरूको पुरानो हस्ताक्षर लिएर दाबी पेस गरेका थिए ।

संविधानको धारा १६८ को उपधारा ५ बमोजिम सरकार गठनका लागि हस्ताक्षर गर्दा सांसदलाई ह्विप नलाग्ने र स्वतन्त्र हैसियत रहने सर्वोच्च अदालतको व्याख्या छ ।

काँग्रेस ८ सांसद र एमाले २९ भएपछि कार्की मुख्यमन्त्री बलियो दाबेदार बनेका छन् । पुरानो हस्ताक्षर लिए दाबी गरेकोमा कार्की समर्थित काँग्रेसका सांसदहरूले भने विरोध गरेका छन् ।

बहुमतका लागि ४७ सांसद आवश्यक हुन्छ ।

प्रतिक्रिया दिनुहोस