विराटनगरमा ह्याम्स अस्पतालको सिएमई कार्यक्रम

बिराटनगर ह्याम्स अस्पतालले विराटनगरको बिग होटलमा कन्टिन्युइङ मेडिकल एजुकेसन (सिएमई) कार्यक्रम सम्पन्न गरेको छ ।
मुलुकको सबै प्रदेशमा वर्षमा कम्तिमा एउटा सिएमई कार्यक्रम गर्ने उद्देश्यका साथ धनगढी पश्चात विराटनगरमा उक्त शैक्षिक कार्यक्रम आयोजना गरिएको अस्पतालले जनाएको छ ।
महत्वपूर्ण विधाका अनुसन्धान तथा उपचार पद्धतिसँग सम्बन्धित विषयका बारेमा ह्याम्समा कार्यरत देशकै उत्कृष्ट चिकित्सकहरूद्वारा ज्ञान तथा सीप आदान प्रदान गर्ने उद्देश्यका साथ सो कार्यक्रम गरिएको हो ।
कार्यक्रममा मुटुको चाल सम्बन्धी उपचारमा अग्रणी भूमिका खेल्दै आएका ह्याम्समा कार्यरत वरिष्ठ मुटुरोग विशेषज्ञ डा. रोशन राउतले मुटु कमजोर भएका बिरामीमा प्रत्यारोपण गरिने विशेष पेशमेकरको बारेमा जानकारी दिएका थिए ।
फोक्सो रोग विशेषज्ञ डा. रक्षा पाण्डेले फोक्सोमा हुने जटिल रोग आइएलडी (इन्टरष्टिसियल लङ्ग डिजिज) को नयाँ अनुसन्धान तथा उपचारको बारेमा जानकारी दिएकी थिइन् । साथै कोशी अस्पतालमा कार्यरत पेट रोग विशेषज्ञ डा.भुवनेश्वर यादवले पनि पेट सम्बन्धी रोगको बारेमा जानकारी दिएका थिए ।
उक्त कार्यक्रममा विराटनगरमा कार्यरत विभिन्न अस्पताल तथा मेडिकल कलेजका विशेषज्ञ चिकित्सकहरू गरी ७० जनाभन्दा बढीको उपस्थिति थियो ।
यस्ता सिएमई कार्यक्रमले देशका विभिन्न ठाउँमा कार्यरत चिकित्सकको ज्ञान तथा सीप बढाउन मद्दत पुग्ने सहभागी चिकित्सकहरूले बताए ।
नयाँ प्रविधि तथा अनुसन्धानका बारेमा एक आपसमा छलफल तथा अन्तर्क्रियाले चिकित्सकहरूको ज्ञान बढ्ने मात्र नभई उपचारमा एकरुपता ल्याउन पनि मद्दत गर्ने अस्पतालले जनाएको छ ।
विगत २६ वर्षदेखि उत्कृष्ट स्वास्थ्य सेवा प्रदान गर्दै आएको ह्याम्स अस्पतालले तालिम तथा शैक्षिक कार्यक्रमलाई प्राथमिकतामा राखेको छ ।
अस्पतालमा कार्यरत चिकित्सक, नर्स तथा अन्य कर्मचारीहरूलाई नियमित तालिम प्रदान गरिरहेको ह्याम्सले 'क्रिटिकल केयर नर्सिङ' लगायतका कार्यक्रम नियमित सञ्चालन गरिरहेको छ ।
विगत २ वर्षदेखि चिकित्सा शिक्षा आयोगद्वारा सञ्चालित 'एनबीएमएस' कार्यक्रम पनि सञ्चालनमा रहेको छ ।
अस्पतालमा कार्यरत मुलुककै उत्कृष्ट तथा दक्ष चिकित्सकद्वारा देशका विभिन्न स्थानमा कार्यरत चिकित्सकलाई आफ्नो ज्ञान, सीप तथा दक्षता सिएमई कार्यक्रम मार्फत भविष्यमा अन्य स्थानमा समेत निरन्तर प्रदान गरिरहने प्रतिबद्धता अस्पतालले जनाएको