इन्टरनेट र केबलका तार व्यवस्थित गर्न इटहरी उपमहानगरको निर्देशन

इटहरी / इटहरी उपमहानगरले नगर क्षेत्रका सडक छेउमा अव्यवस्थित लत्रिएका केबल र इन्टरनेटको तार व्यवस्थापन गर्न सुरु गरिएको छ । उपमहानगरले पत्रचार गर्दै यस्तो निर्देशन दिएको हो ।

अब्यवस्थित तारको कारण सहरको शौन्दर्यकरण नै बिग्रिएको भन्दै तार व्यवस्थापन गर्न पत्रचार गरिएको इटहरीका नगर प्रमुख हेमकर्ण पौडेलले बताए ।

म्याक्स, सुबिसु, वल्र्डलिंक, भाइनेट, नेपाल टेलिकमलगायतका कम्पनीले आफ्नो तार व्यवस्थित नगरेको भन्दै पत्रचार गरिएको हो । आ आफ्नो तार १५ दिन भित्र ब्यबस्थित नगरे कानुन अनुसार कारवाही गरिने उपमहानगरले चेतावनी समेत दिएको छ ।