इटहरी ६ स्थित उपमहानगरपालिका गेट अगाडि प्लाष्टिकमा बमजस्तो देखिने शंकास्पद वस्तु फेला परेपछि नेपाली सेनाको टोली डिस्पोज गर्न आएको थियो ।बम पड्किएपनि प्रहरीले भने त्यो बम हो कि होइन भनेर पड्काउनका निम्ति टेष्ट गरिएको जनाएको छ ।
बम पड्किएको भएपनि त्यो बम हो कि होइन भनेर पड्काउनका लागि टेष्ट गरिएको हो,’ ती प्रहरी अधिकृतले भने, ‘इटहरीमा प्लाष्टिकको झोलाभित्र कुकर भेटिएको छ ।’जिल्ला प्रहरी कार्यालय सुनसरीका प्रहरी उपरीक्षक (एसपी) सुमन तिम्सिनाका अनुसार बम भेटिएको भन्दै प्रहरीलाई सूचना आएको थियो ।
प्रहरीकाअनुसार सुनसरीको तीन ठाउँमा बमजस्तो देखिने शंकास्पद वस्तु फेला परेको थियो ।
इटहरी उपमहानगरपालिका कार्यालयको गेट नजिकै, सुनसरी र मोरङको सिमानामा पर्ने बूढी खोलाको पुल नजिकै र धरानको भोटे पुल नजिकै शंकास्पद बस्तु फेला परेको प्रहरीलाई सूचना आएको थियो ।
कालो झोलामा राखिएको शंकास्पद वस्तुलाई निष्क्रिय बनाउन नेपाली सेनाको बम डिस्पोजल टोली अहिले घटनास्थलमा खटिएको छ ।
अहिले घटनास्थमा बाक्लो मात्रामा प्रहरी परिचालन गरिएको छ । कुन बम हो भन्नेबारे यकिन भइनसकेको एसपी तिम्सिनाले जानकारी दिए ।
