द्वन्द्वकालको समयमा अध्यापन रोकिएको पाँचथरको साङछ्यो आगेजुङ गुम्बामा अझै पढाइ शुरु भएन, लामाको अभाव हुँदा भारतबाट ल्याउनुपर्ने बाध्यता । पाँचथरको साङछ्यो आगेजुङ गुम्बा प्रचार–प्रसारको अभावमा ओझेलमा परेको छ । २०१५ सालमा लामा दोर्जे लाङ्ठोलले स्थापना गरेको आगेजुङ गुम्बा २०१८ सालबाट औपचारिक रुपमा लामा उत्पादन शुरु भएको थियो । यही गुम्बाबाट हजारौं लामाले वौद्ध धर्म र दर्शनको शिक्षा लिएका थिए । पाँचथरको फालेलुङ, याङवरक र हिलिहाङ गाँउपालिकाको संगम स्थलमा पर्ने आगेजुङ गुम्बा प्रचारको अभावमा ओझेलमा परेको छ । २०१५ मा गुम्बाको स्थापना गरेका दोर्जे लाङ्ठोलको २०४९ सालमा देवाहसान भएपछि उनका छोरा लामा तेन्जिङ शेर्पाले दैनिक पूजा पाठ गर्दै आएका छन् । २०१८ सालबाट लामा उत्पादन गर्दै आएको गुम्बामा द्वन्द्वकालपछि लामा शिक्षा अध्यापन रोकिएको छ । ३५ रोपनी क्षेत्रमा फैलिएको गुम्बा परिसरसम्म हिलिहाङ गाउँपालिकाले बाटोको ट्याक खोलि दिएपछि गुम्बामा आउनेहरुलाई केही राहत मिलेको छ । व्यक्तिगत लगानीबाट शुरु भएको यो गुम्बाको संरक्षणमा सरकारले सहयोग गरेपनि त्यो पर्याप्त नरहेको व्यावस्थापन समितिले जनाएको छ । बौद्ध धर्मावलम्बीको विशेष चाडपर्वमा यस गुम्बामा देश विदेशका हजारौँ लामा तथा श्रद्धालु जम्मा हुने गरेका छन् । तर, यस गुम्बामा खानपानीको चरम अभाव छ । लामा शिक्षा अध्ययनका लागि पूर्वाधार तयार गर्न स्थानीय तहहरुले विशेष कार्यक्रम ल्याउनु पर्ने शेर्पाहरुले माग गरेका छन् । द्वन्द्वमा बौद्ध शिक्षा बन्द भएपछि पूर्वमा लामाहरूको अभाव हुन थालेको छ । लामा नहुँदा भारतको दार्जि्लिङबाट लामाहरु ल्याएर वौद्ध धर्मावलम्बीले आफ्ना परम्परागत कार्यहरु गराउँदै आएका छन् ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved