दाङ । लगातारको वर्षाका कारण पहिरो गएपछि रुकुम पूर्व र रुकुम पश्चिमबीचको मध्यपहाडी सडक अबरुद्ध भएको छ ।
विभिन्न ठाउँमा पहिरो खस्नुका साथै रुखहरु ढलेका र खोलाहरु बढेका कारण सडक अवरुद्ध भएको हो । रुकुम पूर्वको सदरमुकाम रुकुमकोट तथा रुकुम पूर्वका विभिन्न ठाउँमा भित्रने तथा बाहिरिने यात्रुहरु बीच बाटोमा अलपत्र परेका छन् ।
सिस्ने गाउँपालिकाको रुकुमकोटदेखि रुकुमपश्चिमको रिनदहसम्मको १९ किलोमिटर दूरी पार गर्न यात्रुहरुले २ वटा गाडी फेर्नुपरेको छ । रुकुमपूर्वको सिस्ने गाउँपालिका र रुकुमपश्चिमको मुसीकोट नगरपालिका क्षेत्रमा पर्ने सडकमा धेरै पहिरो खसेको छ ।
रुकुम पश्चिमको मुसीकोट नगरपालिकाको रिनदहदेखि पूर्वको रुकुमकोटसम्मको खण्डमा सबैभन्दा बढी सडक अवरुद्ध छ । अप्ठ्यारो र जोखिम ठाउँमै पहिरो जाने भएपछि जोखिम मोलेरै सर्वसाधारण आवतजावत गरिरहेका छन् । मध्यपहाडी लोकमार्गमै पर्ने रुकुमगाड खोला बढ्दा सवारी वारपार गराउन कठिन भइरहेको छ । सोही खण्डमा मध्यपहाडी लोकमार्ग स्तरोन्नतिको काम पनि भइरहेको छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved