ग्राहकहरुले सेटअप बक्स जडान नगरिरहेको समयमा एनालग प्रणाली वन्द भएसंगै डिजिटल प्रणाली जडानका लागि सेवाग्राहीहरुको भिड लागेको पशुपति केवल नेटवर्कले जनाएको छ । पशुपति केवल नेटवर्कका सञ्चालक मुकुन्द भटटराईले मन्त्रालयबाट आएको टोलीले एनालग प्रणाली वन्द गर्न आग्रह गरे बमोजिम आफुहरुले वन्द गरेपछि डिजिटल प्रणालीका लागि सेवाग्राहीहरु आएको जानकारी दिए । उनले सन् २०१७को मे महिना देखि नै एनालग प्रणाली बन्द गरिने भनिएपनि विभिन्न कारणले हुन नसकिरहेको समयमा यही महिना देखि एनागल प्रणाली वन्द गरीएको समेत बताए । एनालग प्रणाली नचल्ने भएपछि सेवाग्राहीहरु सेटअप बक्स लिनका लागि आउने क्रम सुरु भएको हो । पशुपति केवल नेटर्वकका इटहरी क्षेत्रमा दस हजार देखि १२ हजार सम्म ग्राहकहरु रहेका समेत जानकारी गराइयो ।
राष्ट्यि प्रशारण संशोधन नियमावली २०७३ ले केबल नेटवर्कहरुलाई एनालग प्रणालीबाट डिजिटल प्रणालीमा रुपमान्तरण गर्ने समय सिमा तोके पनि समय सिमा सर्दै आएको थियो ।
