जनता क्याम्पसको नियुक्तिलाई अदालतले दियो कारण देखाउ आदेश

इटहरी । नियमलाई लत्याउदै इटहरीस्थित जनता बहुमुखी क्याम्पसमा गरिएको नियुक्तिलाई उच्च अदालत बिराटनगरले कारण देखाउ आदेश जारी गरेको छ । एक पदमा दुईजनालाई नियुक्ति गरिएको बिषयमा परेको निवेदनमाथि फैसला गदै १५ दिनभित्र लिखित प्रमाण पेश गर्न अदालतले आदेश जारी गरेको हो ।
क्याम्पसलाई आधार र कारण खुलाई लिखित जवाफ पेश गर्न भनिएको छ । इटहरी ५ का तेजबहादुर परियारले दिएको निवेदनमाथि यस्तो आदेश जारी गरेको थियो । परियारले साउन ७ गते दिइएको निवेदनमा क्याम्पस, क्याम्पस प्रमुख भोजराज श्रेष्ठ, पदपूर्तिका संयोजक चन्द्र भट्टराई सदस्य बिकास केसी, सदस्य उद्धवप्रसाद पौडेल, सदस्य युगप्रिय निरौला, शारदा पोखरेल, सुष्टि भट्टराई र संञ्चालक समितिललाई विपक्षी बनाइएको छ ।
परियारको श्रीमती पबित्रा दर्नाललाई धाँधली गरेर परिक्षामा कम अंक दिएर पास नबनाएको दाबी छ । परियारले नागरिक ऐन २०१२ को दफा ३,४,५ (क), ६(७) ले प्रदान गरेको कानुनी अधिकार विपक्षीले हन्न गरेको बताएका छन् । पुस्तकालय साहयकको पदपूर्ति समितिका संयोजक चन्द्र भट्टराईको छोरी सृष्टि र सदस्य बिकास केसीको श्रीमती शारदा पोखरेललाई नियम विपरित नियुक्ति गरिएको थियो ।