प्रेमिकाको हत्या गर्ने बिराटनगरका भट्टराई पक्राउ

प्रेमिकाको हत्या गरेर गरेको भन्दै बिराटनगर १३ का दिनेश भट्टराई पक्राउ परेका छन्। धोका दिएको भन्दै भट्टराईले प्रेमिकालाई खुकुरी र छुरा प्रहार गरी हत्या गरेका हुन्।

मोरङको ग्रामथान गाँउपालिका ५ तेतरियास्थित सिद्राहामा भट्टराईले बिराटनगर १३ की २३ बर्षिया सिता घिमिरेलाई खुकुरी र छुरा प्रहार गरी हत्या गरेका हुन्। शुक्रबार बिहान साढे नौ बजेतिर पहेँलो रंगको को १७ प १७२३ नम्बरको स्कुटर चढेर आएका भट्टराईले घिमिरेलाई छाती,घाँटीलगायतका ठाउँमा अन्धाधुन्द खुकुरी र छुरा प्रहार गर्दा घटनास्थलमै मृत्यु भएको छ।

युवतीको शरिर क्षतबिक्षत पारेर भाग्ने क्रममा स्थानीयले ति युवालाई पक्राउ गरी प्रहरीलाई खबर गरेका थिए। ति युवालाई ईलाका प्रहरी कार्यालय बेलबारीले नियन्त्रणमा लिएको प्रहरी निरिक्षक रामकुमार राईले बताउनुभयो। भट्टराईले आफुमाथि धोका भएको र घिमिरेको हत्या गर्ने योजना बनाएको प्रारम्भिक बयान दिएका छन।