नागी डान्स सेन्टरले तिज डान्स क्विन प्रतियोगिता गर्ने

इटहरीमा रहेको नागी डान्स सेन्टरले तिजको अवसरमा सुनसरी जिल्लाब्यापी ‘तिज डान्स क्विन’ प्रतियोगिता गर्ने भएको छ। सेन्टरले सोमबार इटहरीमा पत्रकार सम्मेलन गरेर प्रतियोगिताबारे जानकारी दिएको हो।

भाद्र २१ गते सञ्चालन हुने प्रतियोगितामा २५जनालाई सहभागी गराउने र सहभागिता जनाउनको लागि पाँचसय रुपैँया बराबरको फारम भर्नुपर्ने आयोजकले पत्रकार सम्मेलनमा जनाएको छ।

प्रतियोगितामा प्रथम हुनेले ट्रफी र १५ हजार रुपैँया, द्वितीय हुनेले ट्रफी र १०हजार रुपैँया, तेश्रो हुनेले ट्रफी र ८ हजार रुपैँया अनि सान्तवना हुनेले ट्रफी र पाँच हजार रुपैँया प्राप्त गर्ने आयोजकले जनाएको छ।

यस्तै प्रथमहुनेले नागी डान्स सेन्टरको तर्फबाट ६महिना निशुल्क डान्स सिक्न पाउनेछन् भने द्वितिय हुनेले ४महिना तृतीय हुनेले २ महिना र सान्त्वना हुनेले १महिना निशुल्क नृत्य सिक्ने आयोजकले जनाएको छ।