भोजपुरमा ६ पत्नी पीडितद्धारा सम्वन्ध विच्छेदको मुद्धा दर्ता

भोजपुर / भोजपुरमा सम्वन्ध विच्छेद गर्ने पुरुषको संख्यामा वृद्धि भएको छ । नयाँ मुलुकी ऐन कार्यान्वयनमा आएसंगे ६ जना पुरुषले सम्वन्ध विच्छेदको लागि मुद्धा दर्ता गराएका छन् । नयाँ संहिता जारी भएपछि श्रीमतीसंग सम्बन्ध बिच्छेद गर्ने पुरुषको संख्यामा वृद्धि भएको जिल्ला अदालत भोजपुरले जनाएको छ ।

६ ओटा मुद्धा दर्ता भएकोमा एक ओटाको फैसला भएको अदालतमा सुचना अधिकारी मनीराम पोखरेलले जानकारी दिए । भदौ महिनामा १० ओटा दर्ता भएकोमा ६ ओटा पुरुषले दर्ता गराएको उनको भनाई छ । सम्बन्ध विच्छेद गर्न चाहने पुरुषहरुमा अधिकांश वैदेशिक रोजगारीमा गएर फर्केकाहरु रहेका छन् ।

विदेशबाट फर्केकाहरुले आफ्नो कमाइको रकम सबै श्रीमतीले अनावश्यक ढंगले खर्च गरेर सकेको, पर पुरुषसंग लागेको जस्ता आरोप देखाउँदै मुद्दा दर्ता गराएको पोखरेलको भनाई छ । दिनानु यस्तो मुद्धाको संख्यामा वृद्धि भईरहेको अदालतले जनाएको छ ।