दुर्घटना न्यूनीकरण गर्न विर्तामोडमा गाडी चालकलाई चकलेट र सम्मान

बिर्तामोड । दुर्घटना न्यूनीकरण गर्न झापाको विर्तामोडमा गाडी चालकलाई खादा तथा माला लगाएर सम्मान गरि चक्लेट खुवाइएको छ ।

सडक दुर्घटना न्यूनीकरण महाअभियान २०७५ नाम दिइएको उक्त कार्यक्रम वीरता जेसीज विर्तामोड र जिल्ला ट्राफिक प्रहरी कार्यालय झापाले आयोजना गरेको हो ।

दुर्घटना न्यूनीकरणका लागि जनचेतना र सकारात्मक सन्देश प्रवाह गर्न यो महाअभियान प्रभावकारी भएको जिल्ला ट्राफिक प्रहरी कार्यालय झापाका प्रमुख राजेश राईले बताए।

चारआलीबाट ताप्लेजुङ जाने आउने तथा स्थानीय रुटका गाडी चालकलाई चारआलीमा सम्मान गरिएको अभियानमा सहभागी गोपाल अधिकारीले बताए ।