कोशी गाउँपालीकामा १ सय बढी जेष्ठ नागरिक सम्मानित

प्रकाशित मितिः असोज २३, २०७५
1273 पटक पढिएको
समय अनलाइन

इनरुवा । सुनसरीको कोशी गाउँपालीकाले सय बढी जेष्ठ नागरिकहरु लाई सम्मान गरेको छ । शनिबार एक कार्यक्रमको आयोजना गरी गाउँपालीकाले जेष्ठ नागरिकहरु लाई सम्मान गरेको हो ।

कोशी गाउँपालीका भित्र रहेको ८ वटै वार्डका ८० वर्ष माथिका जेष्ठ नागरिकहरु लाई गाउँपालीका अध्यक्ष ऐयुब अन्सारी,उपाध्यक्ष अनितादेवी यादव सहित सबै वार्ड वडाध्यक्षहरुले उनीहरूलाई सम्मान गरेका थिए । कोशी गाउँपालीका वार्ड नम्बर ६ का अध्यक्ष इन्द्रदेव यादवका अनुसार धोती,गम्छा,टर्च सहित पुरुषलाई र महिलालाई साडी,टर्च,खानेकुरा सहित सम्मान गरेको हो ।

जेष्ठ नागरिकहरु हाम्रा अग्रज हुनुका साथै समाजमा उहाँहरुको योगदान रहेको कुरालाई मध्यनजर गर्दै जेष्ठ नागरिकहरु लाई सम्मान गरेको गाउँपालीका अध्यक्ष ऐयुब अन्सारीले बताए ।