इनरुवा । सशस्त्र प्रहरी बल सुरक्षा पोस्ट भुटहाले भारतीय बजारबाट ल्याएको पटाका बरामद गरेको छ । चाडपर्वको समयमा पटाकाजन्य पदार्थमा निगरानी बढाएपछि सिमा क्षेत्रबाट पछिल्लो समयमा पटाका बरामद हुन थालेको हो ।
सोही क्रममा सशस्त्र प्रहरीले इनरुवा नगरपालिका ९ बबिया बाट चार वटा साइकल सहित ४ बोरा पटाका जन्य पदार्थ नस्ट गरेको छ । सशस्त्र प्रहरी नायब उपरीक्षक निर्मल कुमार नेतृत्वको टोलिले भारतीय बजारबाट ल्याएको अवैध पटका जन्य पदार्थ नियन्त्रण लिई नस्ट गरेको जनाएको छ ।
सशस्त्र प्रहरी नायब उपरीक्षक थापाका अनुसार भारतीय बजारबाट ल्याएको १ लाख ५१ हजार ९ सय बराबरको विभिन्न पटका जन्य पदार्थ सहित चार वटा साइकल बरामद गरी आवश्यक कार्वाहीको लागि मुल भन्सार कार्यालय कोशी ब्यारेजमा बुझाएको छ । चाड पर्वलाई लक्षित गरेर सुनसरीको सिमा क्षेत्रहरुमा सशस्त्र प्रहरीले विशेष टोलि परिचालन गरेको डि.एस.पि निर्मल कुमार थापाले जानकारी दिए । चाडपर्वको समयमा सीमा क्षेत्रमा तैनाथ सुरक्षाकर्मीले आपराधिक गतिविधि न्यूनीकरण गर्न नियमित गस्ती गर्दै आएको छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved