काठमाडौं । हिमालयन शेर्पा क्लबले सहिद स्मारक ‘ए’ डिभिजन लिगअन्तर्गत बुधबार भएको खेलमा मछिन्द्र क्लबमाथि २–० को जीत हासिल गरेको छ ।
आशिष गुरुङको गोलबाट २१औं मिनेटमा अग्रता लिएको हिमालयन शेर्पाका लागि समय सकिन एक मिनेट बाँकी रहँदा कर्ण लिम्बुले दोस्रो गोल गरेका थिए । सातदोबाटोस्थित एन्फा कम्प्लेक्समा हासिल गरेको यो जीतपछि हिमालयन शेर्पा क्लब १० अंकका साथ लिग अंकतालिकाको तेस्रो स्थानमा उक्लिएको छ ।
प्रतियोगिताअन्तर्गत सातदोबाटोमै अहिले ललितपुरका दुई क्लबबीच प्रतिस्पर्धा हुँदैछ । ललितपुर डर्बीका रुपमा सम्पन्न हुने खेलमा फ्रेन्डस र जावलाखेल युथ क्लब आमने–सामने हुँदैछन् ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved