हिंसामा परेका पुरुष भन्छन– श्रीमतीकै कारण घरको न घाटको भइयो

 

इटहरी । देशभर अहिले लैगिंक हिंसा बिरुद्ध १६ दिने अभियान चलिरहेको छ । तर चार बर्ष देखि पुरुष हिंसामा परेका विराटनगरका खेम लोहनी न्यायको लागी भौतारीरहेका छन । न्याय दिनेहरुले न्याय दिए जस्तो गरे पनि आफ्नै श्रीमतीले घर निकाला गरे पछि उनी घरको घाटको भएका छन । आफ्नै श्रीमतीबाट घरेलु हिंसामा परेका छन । आफ्नो श्रीमती र छोरा छोरीको तिरस्कारबाट चार बर्ष देखि घरवार बिहिन भई लाचार जीवन जिउन बाध्य भएको उनको गनगन छ । घर निकाला भए सँगै अहिले उनी आफन्तको आश्रयमा बस्दै आएको उनी बताउँछन ।

पैसा हुदा श्रीमती र परिवार राम्रो हुदा रहेछन म सँग पैसा नहुदा छोरा र श्रीमतीले नै घर निकाला गरेको ४ बर्ष भयो मैले न्याय पाईन उनले गुनासो गदै भने । एउटा मावि निजि बोडिङ स्कुलको प्रध्यानध्यापक समेत रहेका उनी श्रणकै कारण विक्रि गर्दा श्रीमतीले आफ्नै घरबाट निकालि दिए म माथी असाध्यै अन्याय भयो आखाभरी आँशु झादै भने ।

आफ्नै सन्तान प्रतिको मायाँ, छोरा छोरीको जीवन स्तर उकास्नको निम्ति,शिक्षित बनाउन र श्रीमतीको गंम्भिर रोग उपचार गर्न देश बिदेशमा उपचार गर्ने खर्चे गरियो तर आज आफ्नैघाट अपहेलित भएर आफन्तकोमा बस्दै छु गहभरी आँशु निकाल्दै उनी सुनाउँछन ।

छोरालाई एम. बि.बि.एस पढाइकै क्रममा बैंकबाट धितो ऋण लिएको र बैंकमा रखिएको धरौटी बापतको घर घडेरी उकास्न समेत परिवारले दिएनन उनी भन्छन् । अहिले त्यही घर सम्पतीको कारण घर निकाला भएको छु उनी भन्छन् । मैले अहिले सम्म न्याय पाईन विराटनर महानगरपालिकाको न्यायीक समितिका संयोजक तथा उपमेयर इन्दिरा कार्कीले खाना लगाउँन र बस्न दिनु निर्णय गरे पनि श्रीमती सुधा लोहनीले आए झुण्डिएर मर्छु भन्दै धम्याएको उनको भनाई छ ।

संस्था र न्यायिक निकायमा समेत उजुरी गर्दा घरमा बस्न र खान पाउने अधिकारबाट समेत बन्चित भएर आफन्तको घरमा शरण लिदै छु । मैले विराटनगरमा पहिलो पुरुष हिंसा विरुद्धको मुद्धा हालेको थिए अहिले त्यो उच्च अदालतमा विचारधिन छ ।
पुरुष पनि घरेलु हिंशामा परेको सायद यो पहिलो घटना होला ्र कानुनी राज्यमा निजले न्याय नपाउनु कानुनकै उपहास हो भन्दा अतिसयोक्ति नहोला ्र हाम्रो समाज र संस्कृति कता जादै छ । श्रीमती र छोराछोरीबाट घरेलु हिंसा भोग्नुपरेको भन्दै मोरङ जिल्ला अदालतमा दर्ता भएको थियो ।

लोहनीले पत्नी सुधा लोहनी, छोराहरु रविराज , बिप्रव र छोरी अदैताले आफुमाथि हिंसा गरेको भन्दै मुद्धा दायर गरेका थिए । लोहनीले श्रीमती सुधा र छोराछोरीले मानसिक यातना दिई खान लगाउन नदिएको आरोप लगाउँदै आएका छन । विभिन्न समयमा महिला माथी विभिन्न हिंसा भएका समाचारहरू आए पनि पुरुष हिसांको समाचार थोरै मात्र आउँने गरेको छ ।