इटहरीमा इडेनको सेमिनार

बैदेशिक शिक्षाको क्षेत्रमा काम गर्दै आएको ईन्टरनेशनल इडन एकेडेमी कन्सल्टेन्सी प्रा.ली.ले सुनसरीको इटहरीमा सेमिनार गरेको छ। अष्ट्रेलिया, न्युजिल्याण्ड, क्यानडा, जापान, अमेरिका फिनल्याण्डलगायतका देशहरुमा अध्ययनका लागि बिद्यार्थी पठाउँदै आएको इडेनले आईतबार सेमिनार गरेको हो।

इडेनले पौष २१ गते सुनसरीको धरान पनि अष्ट्रेलिया पढ्न जान चाहने बिद्यार्थीका लागि फ्रि सेमिनार गरेको थियो। इटहरीस्थित ईन्टरनेशनल इडन एकेडेमी कन्सल्टेन्सी प्रा.ली.को कार्यालय आईतबारे रोडमा बिहान १० देखि ४ बजेसम्म भएको सेमिनारमा बिद्यार्थीको उल्लेख्य उपस्थिती रहेको इडन इटहरीका कार्यकारी निर्देशक सुमन काफ्लेले बताउनुभयो।

इडन इटहरीले इटहरीमा गरेको फ्रि सेमिनारमा अष्ट्रेलियाका १२वटा कलेज तथा बिश्वबिद्यालयहरु ए.टि.एम.सि क्याम्पस, फेडरेसन युनिभर्सिटी, युनिभर्सिटी अफ सन साईन कोष्ट, होटल स्कुल सिड्नी, साउदन क्रस युनिभर्सिटी, हार्वर कलेज, ग्लोवल ईन्टीट्युट, ए.आई.बि.टि कलेज, ई.आई.टी, आई.एच.एम, क्यान्टरवरी टेक्निकल इन्सटिट्युट, सिड्नी सिटी कलेज अफ म्यानेजमेन्ट र आई.एच.एन.ए.कलेज सहभागी भएका थिए। सेमिनारमा बिद्यार्थीले ईच्छाएका कलेज र बिश्वबिद्यालयहरुका प्रतिनिधीहरुसँग सिधै प्रश्न गरेर आफ्नो जिज्ञासा गरेका थिए।