आगलागीबाट १७ लाख बराबरको क्षती

धनकुटामा कुखुरा फर्ममा आगलागी हुदा १७ लाख बराबरको क्षति भएको अनुमा गरिएको छ। धनकुटाको सागुरीगडी ३ स्थित पुर्ण बहादुर युवाङ लिम्बुले पालेको बोइलर कुखुराको फर्ममा आइतबार दिउँसो साढे १२ बजे चिसोका कारण चल्लालाई तातो बनाउनलाई बालेको आगो टाटीमा सल्कीएर आगलागी भएको बताईएको छ।

खोरमा आगलागीहुदा कुखुराको चल्ला ८ सय १६ थान, कुखुराको फर्म , ढुंङ्गा माटो र काठले बनेको टिनको छानो भएको १ तल्ले घर तथा घर भित्र रहेको जिन्सी सामान समेत जलेर नष्ट हुँदा अंदाजी १७ लाख बराबरको क्षति भएको अनुमान गरिएको छ । आगो एक घण्टा पछि प्रहरी चौकी मुलघाट बाट खटिएको नेपाल प्रहरीको टोलि, शसस्त्र प्रहरी र स्थानीयको सहयोगमा पूर्ण रुपमा नियन्त्रणमा आएको जिल्ला प्रहरी कार्यालय धनकुटाले जनाएको छ।