जीवन फुयाल
इटहरी । जाडोको समयलाई लक्षित गरी नेपाल रेड्क्रस सोसाइटी उपशाखा इटहरीले इटहरी क्षेत्रमा रहेका विभिन्न सामुदायिक विद्यालयमा अध्ययनरत विद्यार्थीहरुलाई स्वीटर वितरण गरेको छ ।
जाडोको कारण विद्यार्थीहरुको पठनपाठनमा समस्या नहोस भनेर नेपाल रेड्क्रस सोसाइटी इटहरीले पाँच सय पचास जना विद्यार्थीहरुलाई स्वीटर वितरण गरेको हो । जाडोको समयमा ससाना वालवालिकाहरु प्रभावित हुने गरेको तर्फ मध्यनजर गर्दै विद्यालयमा स्वीटर वितरण गर्दै आएको रेड्क्रड सोसाइटी इटहरीका सभापति विमल पौडेलले वताए । आवश्यकताका आधारमा विद्यार्थीहरु छनौट गरी रेड्क्रसले पाँच सय पचास जना विद्यार्थीहरुलाई स्वीटर वितरण गरेको हो । विपन्न वर्गका वहुसंख्यक विद्यार्थीहरु अध्ययन गर्ने प्रगती टोल बाल बिकास केन्द्र , शान्ती आधारभुत विद्यालय, कबिर माध्यमिक विद्यालयमा स्वीटर वितरण गरीयो । जाडो मौषममा लगाउन न्याना कपडा पाएपछि विद्यार्थीहरु पनि उत्साहीत बनेका छन । विभिन्न व्यक्ती र दातृ संस्थाहरुको सहयोग जुटाएर स्वीटर वितरण गरीएको पौडेलले बताए । नेपाल रेड्क्रस सोसाईटी उपशाखा इटहरीले विद्यार्थीहरुको निशुल्क आखा जाच गर्ने व्यवस्था समेत मिलाएको छ ।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved