मोरङ्गको लेटाङ्गमा आगलागी, नेपाली सेनाको सहयोगमा नियन्त्रण

मोरङ्गको लेटाङ्ग नगरपालिका वडा नम्बर ९ मदनपुरमा भएको आगलागी नेपाली सेनाले नियन्त्रणमा लिएको छ। बिहिबार सवा चारबजेतिर भएको आगलागी सेनाको सहयोगमा नियन्त्रणमा आएको हो।

लेटाङ्ग नगरपालिका ९ मदनपुरका बंशराज दाहालको घरमा बिद्युत सर्ट भएर आगलागी भएको पूर्वी पृतना मुख्यालय इटहरीले जनाएको छ। आगलागीबाट दाहालको काठको दुईतले घर र एउटा ग्वाली जलेको छ।

आगलागीबाट दाहालको घर पूर्ण रुपमा क्षती भएको भएको छ। आगलागीबाट गरगहना, अन्नपात, फर्निचर, नगद एक लाख तीस हजारसहित करिव छत्तिस लाख रुपैया बरावरको क्षती भएको छ।

आगलागी नियन्त्रणका लागी सह सेनानी पवन कटवालको कमाण्डमा ३३ जनाको फायर फाईटिङ्ग टोली खटिएको नेपाली सेनाले जनाएको छ। आगलागी नियन्त्रणको लागि स्थानीयबासी ईटहरी उपमहानगरपालिकाको बारुण यन्त्रका साथै नेपाल प्रहरी, शसस्त्र प्रहरी लगायतको उपस्थिती थियो।