१६बर्षीया बालिकालाई सामुहिक बलात्कार गर्ने चारजनालाई जिल्ला प्रहरी स्याङ्जाले नियन्त्रणमा लिएको छ। स्याङ्जाका बिभिन्न ठाउँबाट ति ब्यक्ति पक्राउ परेका हुन्।
प्रहरीले तनहुँको शुक्लागण्डकी नगरपालिका ४ का प्रशान्त श्रेष्ठ, सोहि ठाउँका बिजय श्रेष्ठ र अञ्जन श्रेष्ठ यस्तै सिन्धुलीको पिपलमाडी गाउँपालिका ३ घर भई तनहुँको शुक्लागण्डकी नगरपालिका ४ बस्ने बिक्रम राईलाई पक्राउ गरेको हो।
पक्राउ परेका मध्य प्रशान्त श्रेष्ठले माघ १ गते राति १६बर्षीया बालिकालाई फोन गरेर स्याङ्जाको बिरुवा गाउँपालिका ५स्थित छेउडाँडा भन्ने ठाउँमा बोलाएर बिजय, अञ्जन र राई समेत मिलेर सामूहिक बलात्कार गरेर भाग्दै गरेको अवस्थामा पक्राउ गरेको जिल्ला प्रहरी कार्यालय स्याङ्जाले जनाएको छ।
प्रहरीले पिडित बालिकाको उद्दार गरी घटनामा संलग्न चारैजनालाई ग ४ प ४३९५ र ग ४ प ७९०७ नम्वरको मोटरसाईकलसहित पक्राउ गरेर आवश्यक कानूनी प्रकृया शुरु गरेको जिल्ला प्रहरी कार्यालय स्याङ्जाका प्रवक्ता प्रहरी निरिक्षक बिजयकुमार सिंहले जानकारी दिनुभयो।
प्रतिक्रिया दिनुहोस
कम्पनी दर्ता प्रमाणपत्र नं.: २०५७२३/७५/७६ / स्थायी लेखा नं.: ६०६५२१६७९
Copyright © 2017 / 2024 - Samayaonline.com All rights reserved