सुनसरीको इटहरीमा विहीवारबाट शुरु भएको फुड फेस्टिवलमा पनि हेलिकप्टर टुर प्याकेज राखिएपछि आकर्षण बढेको हो ।
होटल व्यवसायी संघ इटहरीको आयोजनामा शुरु भएको नौ दिने फुडफेस्टिवलमा हेलिकप्टरबाट स्थानीय तथा पाथिभरा मन्दिर सम्मको प्याकेज समा
वेश गरेको छ । माउण्टेन हेलिकप्टर प्रालिको हेलिकप्टरबाट दैनिक स्थानीय र पाथिभरा मन्दिर सम्म उडान गर्ने व्यवस्था मिलाएको फेस्टिवल आयोजक होटल व्यवसायी संघ इटहरीका अध्यक्ष जिवन पराजुलीले जानकारी दिए । उनले हेलिकप्टर टुरका लागि दुइ सय जना भन्दा वढीले सम्पर्क गरिसकेको र फेस्टिवल अवधिभर पचास लाखको हेलिकप्टर टुरबाट आम्दानी हुने लक्ष्य राखेको वताए । फुडफेस्टिवलमा हेलिकप्टर टुरको व्यवस्थाले पुर्वको पर्यटन प्रवद्धर्नमा टेवा पुर्याउने इटहरी उद्योग वाणिज्य संघका कार्यवाहक अध्यक्ष शैलेश विष्टले विश्वास लिएका छन ।
आगामी फागुन ३ गते सम्म सञ्चालन हुने फुडफेस्टिवलको आकर्षणका रुपमा रहेको हेलिकप्टर टुुर प्याकेज अन्र्तगत दैनिक स्थानीय २५ उडान सहित पाथिभरा उडान ६ पटक सम्म गर्ने गरि हेलिकप्टर टुरको व्यवस्था मिलाएको वताइएको छ । स्थानीय टुरका लागि पाँच हजार र पाथिभरा मन्दिर ताप्लेजुग तीस हजार प्रतिव्यक्ती शुल्क आयोजकले तय गरेको छ । पुर्वमा भौगोलिक तथा धार्मिक पर्यटकीय क्षेत्रहरु धेरै रहेकाले समेत हेलिकप्टर टुर प्याकेजहरु लोकप्रिय वन्दै आएको छ ।