मकालु क्लवले वुढी गंगाजमुना मुक्ती घाटलाई चार थान डस्टविन उपलव्ध

इटहरी - सुनसरीको इटहरी ४ मा रहेर सामाजिक गतिविधिमा सक्रिय रहदै आएको मकालु क्लवले वुढी गंगाजमुना मुक्ती घाटलाई चार थान डस्टविन उपलव्ध गराएको छ ।

मुक्ती घाट क्षेत्रमा पानीका बोतल, जुसकापाकेट , फलफुलका काटुन लगायतका फोहोरजन्य वस्तुहरु यत्रतत्र देखिएपछि घाटलाई फोहोर व्यवस्थापनमा सहयोग पुगोस भनेर डस्टविन उपलब्ध गराइएको हो ।

विभिन्न दाताहरुको सहयोगमा मकालु क्लवले मुक्ती घाटलाई ३२हजार मुल्य बराबरको चार वटा डस्टविन क्लवका अध्यक्ष देउराज राई,कार्यक्रमका प्रमुख अतिथी इटहरी उपमहानगरपालिका वडा नम्वर ४का अध्यक्ष चन्द्र भट्टराईले वृहत मुक्ती घाटका अध्यक्ष हेम घिमीरेलाई हस्तान्तरण गरे ।

कार्यक्रममा क्लवका उपाध्यक्ष रमेश पाख्रीन , उद्योग वाणिज्य संघ इटहरी कार्यवाहक अध्यक्ष शैलेश विष्ट लगायतको उपस्थिती रहेको थियो । त्यसै गरी क्लवले कचना महादेव मन्दिरलाई समेत एक थान डस्टविन समेत हस्तान्तरण गर्ने जानकारी गराइयो ।