एमाले नेताले यसकारण गरे रमिलाको हत्या

बेलबारी - परिवारले विवाह गर्न दबाब दिएपछि नेकपाका नेता योगेन्द्र गुरुङले बेलबारी रमिला राईको हत्या गरेको प्रहरी अनुसन्धानमा खुलेको छ ।

रमिलाको परिवारले विवाह गर्नुपर्ने भन्दै दबाब दिएपछि आफ्नो इज्जत र प्रतिष्ठा जोगाउन बेलबारी ४ का गुरुङले हत्या गरेको अनुसन्धानमा खुलेको हो । गुरुङका श्रीमती र २ छोरा समेत थिए । त्यसैले रमिलासँग प्रेम सम्बन्ध राखेपनि बिवाह गर्न नसकेको तर, रमिलाले विवाह गर्न दबाब दिएपछि उनको हत्या गरेका प्रहरीले जनाएको छ ।

प्रहरीका अनुसार योगेन्द्रले गत फागुन १७ गते राती आफनै घरमा रमिलाको हत्या गरेका थिए । रमिलाको शवलाई उनले बोरामा हालेर कोशी ब्यारेजमा फालेका थिए । प्रहरी अनुसन्धानबाट योगेन्द्रले रमिलाको हत्या गरेको हुनसक्ने प्रमाण भेटिए पछि उनलाई पक्राउ गरेको थियो ।

उनले कोशीमा शव फालेको वयान दिएपनि रमिलाको शव हत्या भएको २६ दिनपछि गत बुधबार भेटिएको थियो । प्रहरीले उनलाई कर्तव्य ज्यानमा अनुसन्धान समेत पुरा गरेर मिसिल सरकारी वकिलको कार्यालयमा मंगलबार बझाएको छ ।