पौडेलसहित चार जना पक्राउधर्म प्रचारको आरोपमा

 धर्म प्रचारको झुठो आरोपमा जिल्ला प्रहरी कार्यालय दाङले ख्रीष्टिय समाज नेपालका महासचिव डिल्लीराम पौडेलसहित चार जना ख्रीष्टियानलाई आज विहान सात बजे दाङको घोराहीबाट पक्राउ गरेको छ ।

ख्रीष्टिय सुमदाय दाङका अध्यक्ष पास्टर शान्तबहादुर घर्तीका अनुसार गिरफ्तार हुनेहरुमा एनसीएस नेपालका महासचिव डिल्लीराम पौडेल, अमेरिकन नागरिक ओलेइना सिन्क्वान्टा, भारतीय नागरिक गौरब श्रीवास्तव र कुन्साङ तामाङ समाचार श्रोतका अनुसार घोराहीस्थित होटेल डोकोमा वसिरहेका पौडेलसहित चार जनालाई आज विहान सातबजे जिल्ला प्रहरी कार्यालयबाट आएका प्रहरीले सोधपुछका लागि भनेर गिरफ्तार गरेका थिए । यो समाचार तयार पार्दासम्म उनीहरु रिहाइ भएका छैनन् ।

जिल्ला प्रहरी कार्यालय दाङले विना कारण उनीहरुलाई पक्राउ गरेपछि दाङस्थित ख्रीष्टिय समुदाय र ख्रीष्टिय समाजका ख्रीष्टियान अगुवाहरु आज विहानै प्रहरी कार्यालय परिसरमा भेला भएर रिहाइका लागि अनुरोध गरिरहेका छन् ।
अध्यक्ष घर्तीका अनुसार आज साँझसम्म पत्रकार सम्मेलन गरी घटनाको सत्य तथ्य जानकारी गराउँने बताउँनु भएको छ ।
दाङका चर्चहरुले उहाँहरुको रिहाइको लागि विश्व चर्चहरुलाई प्रार्थना गरिदिन अपिल समेत गरको छ ।