: भीम पौडेलइमान्दारी, संघर्ष, लगनशीलता र मेहनत चाहिने उनको अनुभव छ । सानालाई मायाँ र ठूलालाई सम्मान गर्ने

जिवन फुयाल इटहरी इटहरी उद्योग वाणिज्य संघ इटहरीको चुनाव आउन लाग्दा इटहरीमा उद्योग वाणिज्य संघको चुनावी गर्मी पनि सुरु भएको छ । सामाजिक सञ्जाल तथा विभिन्न सञ्चारमाध्यममा आ–आफ्ना लबीका उम्मेदवारहरुको चर्चा–परिचर्चा हुन थालेको छ । उम्मेदवारका आकांक्षीहरुले भित्रभित्रै जोड–घटाउ र लविङ सुरु गरेका छन् ।२०२५ आश्विन १९ गते धनकुटाको विकट गाउँमा जन्मिएका उनी व्यवसाय गर्नकै लागि बैँकसँँग क्रण काढे ।
धनकुटाबाट ट्रकको डालामा चढेर बिराटनगर आउने र फर्कदा नूनको भारी बोकेर मुलघाट, भेडेटारमा नून बेच्दै जाने ती व्यक्ति आज सफल व्यवसायी बनेका छन् । उनी हुन् – भीम पौडेल । आँफूले जागिर खाएको ५ हजार र ५ हजार रुपैँया क्रण काढेर जम्मा दश हजार रुपैँयाबाट व्यवसाय सुरु गरेका पौडेल आज प्रदेश १ कै सफल व्यवसायी हुन् । उनी भन्छन्, ‘बैँकसँग केही क्रण काढेर र जागिरबाट आएको ५ हजार रुपैँया जम्मा पारेको पैसाले व्यवसाय सुरु गरेको हुँ ।’ उनले आँफू बसन्तपूरबाट ट्रकको डालामा चढेर बिहानै बिराटनगर आउने गरेको र साँझ नून बोकेर धनकुटाको भेडेटार, मुलघाट, हिले जस्ता ठाउँहरुमा नून बेचेको संघर्ष भावुक हुँदै सुनाए । उनको सफलताको कथा सुनिरहँदा उनका आँखाबाट खुशीका आँशुहरु बगेको प्रष्ट देखिन्थ्यो । ‘व्यवसाय सुरु गर्दै जाँदा केही समयपछि २०५३ सालमा इटहरी आएँ,’ उनले भने, ‘विहानै ४ बजे उठेर काम सुरु गर्थेँ र बेलुका ८ बजेसम्म व्यवसायमै व्यस्त रहन्थेँ ।’ उनले आफ्नो बिगत सम्झदैँ भने, ‘मेहनत गर्दै गएँ, कमाई बढ्दै गयो, पछि एउटा ट्रक किनेँ । एकदिन बिराटनगर गएको थिएँ, हामी भाडामा बस्दै आएका थियौँ, छोराले हाम्रो घर कहाँ छ बाबा भनेर सोध्यो, आफ्नो घर नभएपछि मेरो मन खल्लो भयो, छोरालाई जवाफ फकाउँनै सकिन ।’ उनले २०६० सालमा आँफूले घर बनाउँन तयार हुँदा यस्ले के घर बनाउँछ र भन्ने मान्छेहरु अहिले पनि आफ्नै आँखा अगाडि रहेको सुनाए । उनले आँफूसँग पर्याप्त पुँजी नरहेकाले बैँकसँग क्रणपान गरेर घर बनाएको बताए । तपाईँ आज सफल व्यवसायी हुनुहुन्छ नि ? भन्ने प्रश्नमा व्यवसायी पौडेल भन्छन्, ‘म सफल भन्दा पनि मेहनती, संघर्षशील र इमान्दारी व्यवसायी हुँ ।’ व्यवसायमा सफल हुनका लागि पनि तीनै इमान्दारी, संघर्ष, लगनशीलता र मेहनत चाहिने उनको अनुभव छ । सानालाई मायाँ र ठूलालाई सम्मान गर्ने पौडेल कसैलाई विभेद गर्दैनन् । उनी आफूँ ठूलो मान्छे भएपनि कहिल्यै घमण्ड गरेनन् । उनको अहिले एक दर्जन बढी व्यवसायीक हाउस सञ्चालनमा रहेको छ । ‘मसँग १५ सय भन्दा बढी कर्मचारी छन्,’ उनी भन्छन्, ‘कसैको घर बनाइदिएको छु, कसैलाई ट्याक्टर, ट्रक किनिदिएको छु, मलाई कुनै घमण्ड छैन ।’ उनी कर्मचारीहरुसँगै विहानदेखि बेलुकासम्म आँफै काम गर्छन् । आँफूले व्यवसाय सफल बनाएको उनी खुशी त छन् नै । तर, त्यो भन्दा बढी खुशी रोजगारी नपाएकाहरुलाई रोजगारी दिएकोमा खुशी छन् पौडेल । पूर्वको उदयमान सहरका रुपमा स्थापित हुँदै आएको इटहरीमा रहेर व्यवसाय गर्दै आएका पौडेल सामाजिक काममा पनि उत्तिकै सक्रिय छन् । उनले इटहरीमा केही महिनाअगाडि राष्ट्रपति विद्यादेवी भण्डारीले उद्धघाटन गरेको श्री कृष्ण प्रणामी मन्दिरका लागि ५० लाख भन्दा बढीको सामान सहयोग गरेका छन् । त्यस्तै, लेटाङमा विभिन्न सडक, विद्यालय, भवन बनाउँनका लागि सहयोग गर्दै आएका उनले धरानमा पनि सुधारगृहका लागि सहयोग गरेका छन् । पौडेल भन्छन्, ‘जन्मदा पनि नाङ्गै आएको यो शरीरलाई बाँचुञ्जेल खान पुगेपछि के को लोभ गर्नु र ? सकेसम्म सहयोग गर्ने हो । आँफू पनि बाँच्ने अरुलाई पनि बचाउँने हो ।’ इमान्दारी, संघर्ष, लगनशीलता र मेहनत चाहिने उनको अनुभव छ । सानालाई मायाँ र ठूलालाई सम्मान गर्ने