कमिलाको प्वाँख पलाएजस्तै कम्युनिष्ट सरकारः उपसभापति निधि

 नेपाली कांग्रेसका उपसभापति विमलेन्द्र निधिले कम्युनिष्ट विचारधारा पतनको दिशातिर उन्मुख हुँुदै गएको बताएका छन् । नेपालमा कम्युनिष्ट पार्टीले गत निर्वाचनमा पाएको सफलतालाई उपसभापति निधिले मर्ने बेलामा कमिलाको प्वाँख पलाएजस्तो भएको टिप्पणी गरे ।

 

उनले भने, “जसरी मर्ने बेलामा कमिलाको प्वाँख पलाउँछ त्यसैगरी समाप्त हुने बेलामा नेपालमा कम्युनिष्ट सरकार गठन भएको छ ।”  बन वातावरण श्रमिक संघको दोस्रो केन्द्रीय महाधिबेशनको आइतबार उद्घाटन गर्दै उनले बिचारधाराको परिबर्तनसँगै कम्युनिष्ट शासन पनि पतनको दिशातिर उन्मुख भएको उल्लेख गरे ।